BUTUAN CITY – Gikumpirma ni Tandag City, Surigao del Sur Mayor Alexander ‘Ayek’ Pimentel nga nakasulod na sa ilang siyudad ang Kabus Padatoon kon KAPA International Community Ministries Incorporated.
Sa eksklusibong pakighinabi ning sibyahan, gibutyag ni Mayor Pimentel nga nagsugod ang operasyon sa KAPA niadtong Marso 6 lang kondiin personal niyang naka-istorya ang founder niining si Pastor Joel Apolinario.
Sigon ni Mayor Ayek, gipasabot matud pa ni Apolinario kaniya nga mag-operate ang KAPA sa ilang siyudad isip usa ka religious organization rason nga dili na kini kinahanglang isyuhan og permit to operate.
Kini sukwahi matud pa sa nahitabo didto sa Bislig City diin mi-take over matud pa ang KAPA sa produktong 24/7 rason nga mikuha pa sila og permit.
Apan tungod sa kontrobersiyang nalambigit sa KAPA sa maong siyudad, nagpagawas usab sila og scam alert ngadto sa ilang katawhan human usab nagpagawas na og cease and desist order kon CDO ang Securities and Exchange kon SEC. (Beth Ruiz)
