BUTUAN CITY – Gi-anunsyo sa Carter Center Foundation nga patay na si kanhi United States President Jimmy Carter, sa edad nga 100-anyos kondiin didto kini namatay sa Plains, Georgia.
Gitawag siya sa iyang anak nga lalaki nga usa ka bayani dili lang alang kaniya kondili sa tanan nga mituo sa kalinaw, tawhanong katungod ug gugma sa tanan.
Nagsilbi si Carter isip ika-39 nga presidente sulod sa usa ka termino gikan niadtong 1977 hangtud 1981, ug siya ang gi-ilang longest-lived president sa US history.
Nag-atubang siya og daghang hagit sa foreign policy ug napildi sa iyang re-election bid ni Ronald Reagan.
Ning mi-aging tuig nagsugod na siya pagdawat og hospice care sa iyang pinuy-anan tungod sa gihambin nga mga health issues, apil na ang melanoma nga mikaylap diha sa iyang atay ug utok.
