BUTUAN CITY – Gipa-ambit ni kanhi sexy actress Aya Medel kon Rechie Hayakawa sa tinuod nga kinabuhi diha sa iyang social media account nga nakasinati siya og brain aneurysm kondiin duna pa kini hulagway nga na-confine siya sa Cardinal Santos Hospital sa San Juan City. Saysay niini, daghan sa iyang mga followers ang nangutana tungod kay dili na siya aktibo sa social media dayong butyag nga usa lang siya sa daghang mga survivors nga ntaptan sa maong kondisyon.
Gipasalamatan niini ang iyang pamilya, medical staff ug mga suki sa iyang restaurant nga wala mibiya samtang siya nagpa-ayo. Wala na muhatag pa og bisan unsa mang detalye ang kanhi sexy actress kung kanus-a siya na-confine ug pila ka buwan siyang magpa-ayo.
Base sa US’ National Institute of Neurological Disorders and Stroke, ang brain aneurysm mugna sa pagdako sa artery sa utok tungod sa pressure sa ugat ug tisyu niini nga mahimong musangpot sa hemorrhagic stroke, coma ug pagkamatay.
