BUTUAN CITY – Nagtuo ang Philippine National Police (PNP) nga wala pa makabiya sa nasod ang pugante ug kanhi hepe sa Bureau of Corrections kon BuCor ga si Gerald Bantag.
Sumala ni PNP spokesperson Brigadier General Jean Fajardo nga wala silay nakitang timailhan o record nga nagpakita nga nibiya na si Bantag sa nasod. Subay niini, nagpadayon pa usab ang pag-validate s PNP sa impormasyon gikan sa ilang trackers team kalabot sa nahimutangan ni Bantag.
Una nang gikataho ni Department of Interior and Local Government Secretary Jonvic Remulla nga ila nang natino ang nahimutangan ni Bantag. Tungod niini, hugot na silang nakig-alayon sa nagkada-iyang ahensya aron masikop na kini.
Kahinumdumang wala na mopatim-aw pa sa publiko si Bantag human gi-akusahang maoy nagpaluyo sa pagpatay kang Percival Mabasa kon Percy Lapid niadtung Oktubre 3, 2022.
