BUTUAN CITY – Giila na isip 1st class nga probinsya ang Agusan del Norte, gikan sa kanhi niining klasipikasyon isip 3rd class. Epektibo ang maong pag-ila sugod niadtung Enero 1, 2025 pinaagi sa Provincial Resolution No. 590-2024 nga gipangamahanan ni Bise-Gobernador Enrico R. Corvera.
Kini base na usab sa Department Order No. 074-2024 sa Department of Finance (DOF) kansa pinitsahan niadtung Nobyembre 5, 2024 agi na usab sa R.A. 11964 kon ang Automatic Income Classification of Local Government Units (LGUs) Act.
Subay sa DOF Guidelines, ang usa ka 1st class nga probinsya kinahanglang mopasar sa kwalipikasyon nga average annual income, kansa One Billion Five Hundred Thousand Pesos (P/1.5 B) o dako pa base sa annual regular income niini sulod sa tulo (3) ka tuig.
Kahinumdumang nadawat usab sa probinsya sa Agusan del Norte ang Department of Local Government Seal of Good Local Governance (SGLG) sa ikatulo nga higayon ning nakalabayng tuig tungod sa exemplary performance niini sa pang-gobyerno.
