Kanhe PBA playernga si Mark Cardona, giaresto tungod sa pagpambastos sa usa ka babaye sa bar

BUTUAN CITY – Gi-aresto sa mga otoridad ang kanhi PBA player nga si Mark Cardona human siya gireklamo tungod sa pagpambastos sa usa ka dalaga.

Sumala sa kapulisan, kalit lang matud pa nga gihalokan ni Cardona ang 21-anyos nga dalaga sulod sa usa ka nightclub sa Bonifacio Global City niadtong nakalabay nga gabii, Marso 28.

Miduol dayon ang uyab sa babaye, nga maoy hinungdan nga nagkasinumbagay ang duruha.

Gibulag sila sa mga security guard sa bar ug didto na mitawag og pulis.

Dunay pipila ka mga kababayen-an usab ang nakasinati og susamang insidente rasong midangop sila sa kapulisan para ireklamo ang kanhe basketbolista.

Mag-atubang sa kasong acts of lasciviousness ug physical injury ang kanhe Talk ‘N Text Tropang texters player.