-- ADVERTISEMENT --
BUTUAN CITY – Gimanduan na ni Pangulong Ferdinand Marcos Jr. ang mga hingtungdang ahensya sa gobyerno nga seguruhon ang kaluwasan sa mga Pilipino sa Middle East subay sa sunod-sunod nga pag-atake sa Iran batuk sa mga base militar sa Estados Unidos sa Gulf Arab states.
Gihingusgan sa pangulo nga prayoridad sa gobyerno ang kaluwasan sa mga Pilipino nga atua usab sa Iran ug uban pang parte sa Middle East human ang sunod-sunod nga mga airstrikes.
Gitahasan ang Department of Foreign Affairs kon DFA ug ang Department of Migrant Workers kon DMW alang sa angayang mga lakang aron masuta ang ilang sitwasyon ug masiguro ang ilang seguridad.
