BUTUAN CITY – Nahimutang sa kabukiran sa Overberg sa Western Cape, sa South Africa ang “K3,” nga naghupot sa rekord alang sa pinakataas nga zipline sa tibuok kalibutan kansa duna’y sukod nga 3.2 kilometros, usa ka gilay-on nga ikatandi sa labaw sa duha ka istasyon sa Metro Rail Transit (MRT) sa EDSA.
Ang proyekto nga gi-ablihan sa tuig 2024, resulta sa unom ka tuig nga ma-ampingong pagplano ug kalkulasyon sa South African Forest Adventures ug Mossel Bay Zipline aron masiguro ang kaluwasan sa mga siklista nga ipalupad sa kahanginan sa gikusgon nga hangtod sa 150 kilometros matag oras (93 mph), depende sa gibug-aton ug kondisyon sa panahon.
Sumala sa tag-iya nga si Clinton Lerm, duha ka tuig siyang nangita sa ha-um nga lugar sa wala pa makadiskubre og bukid nga adunay dalan paingon sa kinatumyan— hinungdan sa pagtukod sa “The Nest,” ang plataporma sa pagbiya diin magsugod ang kulba-hinam nga pagsakay sa tibuok kinabuhi.
