BUTUAN CITY– Gikompirma ni Bicol Saro Partylist Rep. Terry Ridon nga nasumite na sa House Committee on Justice ang Consolidated Answer Ad Cautelam ni Sara Duterte kaganiha Lunes, Marso 16, 2026, sa may alas-4:30 sa hapon.
Sumala ni Ridon, ang palid sa dokumento parte sa legal nga tubag sa Bise Presidente sa mga isyung gi-susi sa komite sa House of Representatives of the Philippines.
Ang answer ad cautelam usa ka matang sa tubag nga gisang-at uban ang pag-amping aron matubag ang mga alegasyon samtang gipreserbar ang katungod sa nagsang-at sa pagkuwestiyon sa proseso o hurisdiksyon sa kaso.
Pinaagi sa gisumiteng consolidated answer, gilaomang ipresentar sa kampo ni Duterte ang ilang depensa ug posisyon sa mga reklamo o hisgutanang nakaong-ong sa komite.
Samtang, gila-oman nga hisgutan sa House Committee on Justice ang dokumento isip parte sa nagpadayon nga pagrepaso sa mga reklamong gipasaka batok sa Bise Presidente.
