BUTUAN CITY – Hingpit nang napili ni Pangulong Ferdinand Jesus Crispin “Boying” Remulla isip bag-ong Ombudsman sa Pilipinas, pila ka oras lang human nagpagawas ang Judicial and Bar Council o JBC sa ilang pinal nga listahan sa mga kandidato sa maong posisyon hulip sa miretiro nang si Samuel Martirez.
Nasayrang apil sa listahan sila Michael Galicia Aguinaldo kanhi chairman sa Commission on Audit; Stephen Cruz – retiradong associate justice sa Court of Appeals; Samuel Gaerlan sa Korte Suprema ingon man si Anna Liza Logan – assistant executive secretary sa Office of the President; retired Supreme Court Associate Justice Mario Lopez; ug si Sandiganbayan Associate Justice Michael Fredirick Musngi.
Alayon sa iyang bag-ong posisyon, misaad si Remulla nga reviewh-on ang mga patakaran sa kanhi Ombudsman, apil na ang access sa SALN (Statement of Assets, Liabilities, and Net Worth)ingon man lifestyle checks, nga gipugngan niadtong panahon ni Martires.
Si Remulla magsilbi og pito ka tuig kon hangtud sa tuig 2032 nga wala’y reappointment.
Isip Ombudsman, siya ang mudumala sa pag-iimbestiga ug paggukod sa mga opisyal sa gobyerno nga nalambigit sa kahiwian, abuso sa gahom ug uban pangbug-at nga krimen.
Misaad kining dili gamiton ang Ombudsman isip hinagiban sa pulitika.
