BUTUAN CITY -Tensyunado pa gihapon karon ang Israel rason nga putol-putol ang tulog sa mga Pinoy nga atua sa maong nasud kondiin pinakataas tulo ngadto sa upat ka oras lang nga tulog.
Sa eksklusibong pakighinabi sa Bombo Radyo Butuan, gipadayag sa Butuanon nga si Jessie Bariga nga sukad sa alas-10 sa gabii hangtud ala-una sa kaadlawon – oras sa Tel Aviv, wala pa sila’y nadawat nga serina gikan sa Home Front Command sa Israel.
Nagpagawas na usab og abiso ang Philippine Embassy nga dili na sila mugawas tungod sa kadeliakdo pa sa sitwasyon tungod sa padayong pagpamomba sa Iran.
Sa pagkakaron, sirado ang mga tunghaan ug gipatuman na usab ang work from home gawas lang sa mga ospital nga abli 24-oras.
Alayon niini, nanawagan siya sa tanan nga i-ampo ang ilang kaluwasan tungod kay dakong tabang kini kanila ilabina sa sitwasyon nga sama karon.
