BUTUAN CITY – Naglusad og pag-atake ang Israel sa Lebanon, nga mibungkag sa ceasefire deal sa armadong grupong Hezbollah niadtong 2024.
Mikutlo ang nasangpit nga pag-atake sa usa ka dosena katawo sa eastern ug southern Lebanon.
Base sa state-run media sa Lebanon, napatay ang unom katawo sa gilusad nga airstrikes sa Israel sa Bekaa Valley sa sidlakang parte sa nasud ug nagbilin sa 30 ka samaran.
Nagpadayon usab ang search operation sa mga survivor sa naigong site.
Sumala sa Israeli Army, naigo nila ang command centres sa Hezbollah sa Baalbek area sa Bekaa samtang gikumpirma usab sa usa ka source gikan sa Hezbollah nga lakip sa napatay sa pag-atake ang military leader gikan sa armadong grupo.
Niadttong Biyernes, una nang gikumpirma sa Ministry of Public Health sa Lebanon nga napatay ang duha ka indibidwal sa pag-atake sa Israel sa Ein el-Hilweh camp, ang pinakadakong Palestinian refugee camp sa nasangpit nga nasud.
