BUTUAN CITY – Nakabaton og maayong resulta ang panag-estorya sa Iran ug US.
Sigon ni US President Donald Trump, nga nagka-estorya ang mga representante sa Iran ug US sa telepono human nga gihatagan niya sila og ultimatum nga hangtud sa 48 oras.
Pamugos pa niini nag dunay usa lang ka tsansa ang Iran para matapos ang hulga sa US ug kinahanglan na nila kining dawaton.
Gipaneguro usab ni Trump nga dili makahimo pa og bisan unsang nuclear weapons ang Iran.
Mahinumdumang gihulga ni Trump ang Iran nga ilang bombahan ang mga oil faciities niini ugaling dili nila ablihan ang Strait of Hormuz.
Apan ang maong pamahayag direktang gitawag nga fake news sa parliament speaker sa Iran nga si Mohammad-Bagher Ghalibaf diin gigamit lang matud pa kini aron manipulagon ang oil sa merkado.
Misunod usab niini ang gibutyag sa usa ka senior Iranian foreign ministry official nga nakadawat sila og mga puntos gikan sa US pinaagi sa mediators butang nga ila pang gi-review sa pagkakarun.
Migawas usab ang nasud nga Pakistan nga posibleng maoy magsilbing mediator sa negosasyon.
