BUTUAN CITY – Gianunsiyo sa International Energy Agency nga misugot ang 32 ka miyembrong nasud nila nga magpagawas og 400 milyones nga bareles sa lana.
Ang nasangpit nga lakang aron matubag ang krisis sa lana tungod sa giyera sa Middle East.
Sigon ni IEA executive director Fatih Birol nga nagdisesyon ang mga miyembro nila para dili na mas mosaka pa ang presyo sa produktong lana.
Mahinumdumang nakasinati ang daghang nasud og taas nga presyo sa lana sukad nga gi-atake sa US ug Israel ang Iran nga nagresulta sa pagsirado sa mga nag-unang agianan sa mga barko.
Giatake usab sa Iran ang mga barkong dunay kargang lana nga moagi sa kadagatang parte sa Middle East.
Ang mga nasud nga naglangkob sa IEA mao ang Canada, Chile, Mexico, US , Austria, , Belgium, Czech Republic, Denmark, Estonia, Finland, France, Germany, Greece, Hungary, Ireland, Italy, Latvia, Lithuania, Luxembourg, Netherlands, Norway, Poland, Portugal, Slovak Republic, Spain, Sweden, Switzerland, Türkiye, United Kingdom, Australia, Japan, Korea, New Zealand, Colombia, Israel, Brazil , Argentina, China, Egypt, India, Indonesia, Kenya, Morocco, Senegal, Singapore, South Africa, Thailand, Ukraine, og Vietnam.
