BUTUAN CITY – Gihangyu sa International Criminal Court (ICC) Prosecution ang mga judges nga magpasabot ang defense counsel ni kanhe Pangulong Rodrigo Duterte mahituntod sa papel sa unom ka Filipino lawyer.
Ang mga niini gilangkuban nila Salvador Medialdea, Salvador Panelo, Martin Delgra, Silvestre Bello III, Alfredo Lim, ug Cesar Dulay.
Sila gipa-ila-ila ni Defense Counsel Nicholas Kaufman nga mitabang ug misuporta bisan og naglingkod lang ang mga niini sa gallery.
Una nang gibutyag ni Kaufman nga duha sa mga niini nga sila Medialdea ug Delgra ang mitabang sukad pa kaniadto.
Samtang gikumpirma ni Panelo nga ang defense team nakatakdang makigpulong sa mga Filipino lawyers para hisgutan ang estratehiya sa pagdungog.
Sa unom ka palid nga gipagawas nga dunay petsang Marso 6, nga ang pamahayag nila Kaufman ug Panelo maghatag og impresyon nga ang unom miyembro gayud sa defence ni Duterte.
Tungod niini gihangyo sa ICC Pre-Trial Chamber 1 ang defense lawyers nga magduso nga ang unom nga nalitok dili miyembro sa defence team sa kaso.
Gusto usab sa Prosecutors nga dapat ibutang sa defense sa record nga ang mga aboagdo dili makadawat og bisan unsang disclosure sa kaso, dili maka-access sa bisan unsang non-public filing sa kaso, dili makadawat ang mga ito sa bisan unsang non-public information nga may kalabutan sa kaso ug dili entitled sa legally privileged meeting o makigpulong og personal sa kanhe pangulo sa Detention Center.
Dugang pa sa prosecutions nga nakalatid sa Articles 68 sa Rome Statue, nga duna silay katungdanan nga tubagon para maprotektahan ang kaluwasan, physcial ug psychological well-being, dignity ug privacy sa biktima og mga witnesses.
Mahinumdumang gihimo niadtong Pebrero 23 hangtud sa 27 ang confirmation of charges hearing ni Duterte sa kaso niining crimes against humanity.
