BUTUAN CITY- Nasinati ang Magnitude 4.5 nga linog sa pipila ka parte sa Benguet kagahapon sa alas 2:36 sa hapon. Base sa taho sa Department of Science and Technology Philippine Institute of Volcanology and Seismology kon PHIVOLCS natala ang centro sa linog sa Tuba, Benguet nga adunay giladmong 10 ka kilometro ug minglutad ug labing-minus 14 segundo nga pagtay-og.
Natala usab ang Intensity V sa Baguio City, Intensity IV sa Aringay, La Union, Intensity III sa Sison, Pangasinan, Intensity II sa Urdaneta, Pangasinan ug Intensity I sa Cuyapo, ug Lingayen Pangasinan.
Tungod niini temporaryong gisuspendi ang klase sa pipila ka tunghaan sa Baguio City ug sa Probinsya sa Benguet isip parte sa pag-amping alang sa kaluwasan sa mga estudyante ug magtutudlo.
Gilyaon usab nga gibakwit ang mga Magtutudlo, estudyante ug officials gikan sa mga dagkong establishiminto isip parte sa safety protocol. Naggawas usab gikan sa ilang mga gipangtrabaho-an ang mga empleyado gikan sa nagkanda-iyang stablishiminto sa Baguio City.
Human sa pipila ka minuto giugotan ra usab ang mga niini nga makabalik sa ilang trabaho kauban ang mga bisita human gideklarang luwas ang mga building.
Sumala ni Engr. Charles Carame head sa City Disaster Risk Reduction and Management Office, nga walay natalang dakong kadaot gawas lang sa usa ka tunghaan nga naka-angkon og dakong pagkaliki sa pipila ka dingding.
Bisan paman giklaro ni Carame, nga dili structurally critical ang maong kadaot ug nagpabiling lig-on ug luwas ang maong building.
