BUTUAN CITY – Ning saka ang mga kaso sa influenza like illnesses sa Pilipinas karong nasinatian sa nasod ang daot nga panahon. Sumala sa latest data sa Department of Health, natala ang dul-an 10-mil ka mga kaso sa influenza like illnesses gikan sa Hulyo 28 ngadto na sa Agusto 10 ning kasamtangang tuig.
Mas taas kini og 55% kung itandi sa kapin 600 ka mga kaso nga natala sukad niadtung Hulyo 1 ngadto na sa 27. Alayon niini, naka tala usab og pagsaka sa maong mga sakit ang tanang rehiyon sa Pilipinas gawas na lamang sa Bangsamorro Autonomous Region in Muslim Mindanao.
Sa kinatibuk-an, sukad niadtung Enero 1 ngadto na sa Agusto 24 ning kasamtangan nga tuig, anaa na sa kapin 102-mil ka mga kaso sa influenza like illnesses sa nasod, apan mas ubog kini og gamay kon itandi sa 125 ka mga kaso nga natala sa susamang panahon niadtung 2023.
Sumala sa Department of Helaht nga ang influenza like illnesses kay grupo sa mga sakit nga dunay common symptoms sama sa hilanat, ubo, gahubag nga tikaukan, sip-on, ug ang pagsakit sa lawas ingon man ulo. Dugang sa maogn ahensya nga nag-unang hinungdan sa maong sakit kay ang Influenza A, Rhino Virus, ingon man ang intero virus. Sa kasamtangan, giproseso na sa Department of Health ang pagpalit og dugang pa nga bakuna kontra sa maong sakit.
