BUTUAN CITY – Sa ikaduhang higayon, subling mubisita si Indian Prime Minister Narendra Modi ang Israel, aron mas mapalalom pa ang relasyon sa duha ka nasod ilawom sa Hindu nationalist nga lider.
Sigon sa buhatan ni Israeli Prime Minister Benjamin Netanyahu, adunay dakong alyansa tali sa Israel ug India, ug ilang hisgutan ang nagkada-iyang porma sa kooperasyon.
Karong alas-6:45 sa gabii, oras sa Pilipinas, gila-umang mutugpa ang eroplanong sakyan ni Modi sa Ben Gurion international airport gawas sa Tel Aviv kondiin sugaton siya ni Netanyahu sa airport, sama sa iyang gihimo sa Indian premier sa unang pagbisita niini naidtong tuig 2017.
Unyang alas-8:30 sa gabii, mamulong si Modi sa Knesset, ang parliamento sa Israeli didto sa Jerusalem ug mubalik siya sa Tel Aviv diin siya magpalabay og kagabhi-on.
Ugma sa buntag, mubisita si Modi sa Yad Vashem museum, usa ka memorial alang sa mga Holocaust victims, adiser makigkita kang Israeli President Isaac Herzog ug adiser sila subling magkita ni Netanyahu aron pangunahan ang pagpirma sa mga kasabutan sa duha ka nasud ug mubiya na usab si Modi sa Israel pagkahapon.
Ning mi-aging tuig, mipirma ang Israel ug India og investment agreement aron mapalapad ang mutual trade atol sa pagbisita sa far-right Israeli Finance Minister nga si Bezalel Smotrich sa New Delhi.
Niadtong 2024, ang bilateral trade mi-abot sa $3.9 bilyon, samtang ang kasamtangang mutual investments nagkantidad og mga $800 milyon.
Ang pagbisita ni Modi nahitabo samtang nagpadayon ang giyera sa Israel batok sa Gaza, diin kapin sa 72,073 ka mga tawo ang namatay ug 171,756 ang nasamdan sukad Oktubre 2023.
