BUTUAN CITY- Luwas nga nakatabok ang Indian-flagged tanker nga adunay kargang liquefied petroleum gas (LPG) sa Strait of Hormuz, sumala sa panggamhanan India kagahapon Sabado, Abril 4, 2026.
Ang tanker nga Green Sanvi adunay dala nga labing-menus 46,650 metric tons sa LPG ug adunay sakay nga 25 ka seafarers dihang mingtabok sa maong ruta.
Ang Strait of Hormuz usa ka importanteng ruta alang sa suplay sa lana ug gas, apan na-apektuhan ang dagan sa maritime traffic human ang mga air strike sa US ug Israel batok sa Iran.
Taliwala paman niini, sigon sa panggamhanan sa India nga nakaseguro sila nga luwas ang pag-agi sa pipila ka Indian-flagged vessels sa minglanay nga tulo ka simana.
Sumala sa shipping ministry, adunay 17 ka Indian-flagged ships nga adunay sakay nga 460 ka Indian seafarers ang nagpabilin sa western Persian Gulf region.
Base usab sa taho sa local radio sa India, ang Green Sanvi na ang ika-pito nga LPG tanker nga padulong sa India ang nakatabok sa Strait of Hormuz sukad nga nagsugod ang kagubot sa Middle East.
Ming-angkat ang India og dul-an 60% sa ilang LPG supply, ug kasamtangang nag-atbang sa kakuwangon sa gas sa mingaing buwan tungod sa mga pagkalangay sa importasyon.
TungoD niini, nagpatuman ang gobyerno og mas hugot nga kontrol sa distribusyon sa natural ug cooking gas, kung asa gihatagan og prayoridad ang mga katawhan ug gilimitahan ang supply alang sa industrial use.
Bisan pa sa tensyon, gimintinar sa India ang relasyon niini sa Iran, samtang padayon usab nga gipalad ang kooperasyon niini sa Israel.
