BUTUAN CITY- Mopadayon matud pa ang impeachment proceedings ni Vice president Sara Duterte ngadto sa House of Representatives aron makita kung aduna bay Substantial grounds nga kapasikaran, aron maduso sa Senado alang sa Impeachment Trial, sumala ni Atty. Sonny Matula, President sa Federation of Free Workers.
Saigon pa niini nga ang Answer ad cautelam ni VP Sara, wala mingrebat sa mga akusasyon sa Impeachment complaint, gani matud pa niini nga molahos kini ngadto sa House Committee on Justice ug ilang dawaton ang mga ebidensya ingon man mga testimonyal nga ihatag sa complainant.
Pagklaro pa ni Atty. Matula, nga hatagan usab og higayon nga motubag ug modala og mga witnesses ang Bise Presidente aron ilang balansehon kung pwede naba kini i-duso ngadto sa Senado, apan nagkinahanglan matud pa kini og 1/ 3rd nga boto sa tanang mga miyembro sa House of Representatives.
Dugang pa ni Atty. Matula, nga sa pagahimuong pagdugong posibleng dili motungha si Vice President Sara tungod sa gisaligan niini nga numero o gikuptan sa maong kampo batok sa numero sa Senado diin asa nagkinahanglan lang matud pa kini og 9 ka boto aron nga madismiss ang Impeachment Trial batok kaniya.
Samtang kabahinan usab sa ebidensya, gibutyag niini nga adunay mga kapasikaran ang mga ebidensyang gipang hapak ngadto sa mga complainant, gani ang impeachment trial wala lang matud pa naga pokus sa mga ebidensya kundi sa mga boto sa mga miyembro sa House of Representatives.
