BUTUAN CITY – Supak ang Makabayan bloc sa desisyon ni Senate President Chiz Escudero pag-usab sa adlaw alang sa impeachment proceedings batok kang Vice President Sara Duterte.
Sumala ni House Deputy Minority Leader France Castro, mahimong mosangput sa dismissal sa kinatibuk-ang impeachment case ang nasangpit nga delay.
Subay sa kongresista, ang matag delay sa pagsugod sa nasangpit nga kaso, mosangput usab sa mga pangutana ug kabalaka mahitungod sa ka-komitido sa mga Senador nga patubagon si Vice President Sara Duterte ilabina sa mga gi-atubang niining isyu.
Dugang pa ni Castro, dili patas ang gihimo sa Senate President alang sa mga Pilipinao nga nangita og hustisya ingon man kamatuoran.
Kahibaloan nga gibag-o ni Escudero ang pagbasa sa Articles of Impeachment batok kang Vice President Sara Duterte gikan sa Hunyo 2, karong adlawa, ngadto sa Hunyo 11.
