BUTUAN CITY – Gideklara sa House Committee on Justice nga duna’y igong basehan ang duha ka mga impeachment complaints nga gipasaka batuk kang Vice President Sara Duterte, kansa maoy maghatag og dalan aron sugdan na ang pagdungog niini saunod semana.
Sigon sa House panel, wala matud pa direktang gitubag ni VP Sara ang mga alegasyon batuk kaniya sa iyang ”Answer Ad Cautelam,” nga iyang gisubmite isip tubag sa mga reklamo.
Sigon ni House Deputy Minority Leader Leila de Lima, ang tubag sa Bise Presidente, wala mitubag sa mga alegasyon ilabina kalabot sa malversation sa pondo, anomalusong disbursements, o sa mga envelopes nga gipanghatag matud pa ngadto sa pipila ka mga opisyal sa Department of Education.
Tungod niini, mahimo nang ipadayon sa komite ang impeachment hearing proper, kondiin hisgutan ug susihon ang mga ebidensya ug testimonya sa susamang mga complainants ug ni VP Sara.
Adiser ang botasyon, una nang gitin-aw ni House justice panel chair ug Batangas Second District Rep. Gerville Luistro, nga bug-at ang mga alegasyon ug kinahanglan og konkretong tubag. Tungod niini, magsugod ang pormal nga pagdungog sa Marso 25.
Samtang gi-aprubahan na usab sa House of Representatives ang resolusyon nga maghatag og dalan sa komite nga ipadayon ang impeachment hearings bisan og naka-recess.
Nakalatid sa resolusyon nga masuspende ang mga sesyon sa Kamara ug Senado sugod sa Marso 21 hangtud Mayo 3 ning tuiga.
Madumdumang ang duha ka impeachment complaints mipasangol sa besi presidente sa betrayal of public trust, culpable violation of the Constitution, apil na ang sayop matud pang paggamit sa P612.5 million confidential funds ug pagbahad sa kinabuhi ni Pangulong Ferdinand Marcos Jr. ug sa iyang pamilya.
