BUTUAN CITY – Kampante si Atty. James Reserva, usa ka private practitioner, nga mabasura lang ang gipasakang impeachment complaint batuk kang Pangulong Rodrigo Duterte.
Nasayrang kagahapon sa buntag, pormal nang gihaon ni Magdalo Partylist Rep. Gary Alejano ang maong impeachment complaint diin gihimung basehan niini ang “culpable violation of constitution, pagbudhi sa pagsalig sa publiko, graft and corruption, high crimes ug bribery.
Sigon ni Atty. Reserva sa pakighinabi sa Bombo Radyo, testing lang ang pagpasaka sa reklamong pagpalagpot sa pangulo diin politika gihapon ang nagtuklod niini ug dili gyud ang aspetong legal.
Apan kampante kini nga mabasura lang ang reklamo tungod kay nagkinahanglan man ug One third sa miyembro sa Kamara nga mopabor sa maong complaint adiser kini mapalusot sa House of Representative.
Nagduda pa kini nga basin masusama gihapon kini sa nahitabong botasyon sa pagpabalik sa silot kamatayon diin layu ra kaayu ang gintang sa misupak sa balaodnon.
Kini tungod kay paborito gihapon si Pangulong Duterte sa katawhan nga mao unya’ y basehan sa pagbotar sa mga kongresista.
Tungod kay seguradong sundon sa mga kongresista ang unsay pulso sa katawhan. Apan kung makalusot kini sa House of Representative, nagkinahanglan na usab kini ug One Third sa miyembro sa senado aron hingpit nga ma-impeach si Pangulong Rodrigo Duterte.
