BUTUAN CITY – Pila ka oras lang ang milabay human gi-anunsyo ni Vice President Sara Duterte ang iyang intensyon nga mudagan pagka-presidente sa 2028 national elections, nagduso usab og ika-upat nga impeachment complaint si Atty Nathaniel Cabrera gikan sa Batangas.
Kini tungod matud pa sa culpable violation of the Constitution, betrayal of public trust, graft and corruption ug uban pang mga high crimes.
Partikular nga gireklamo ni Atty Cabrera ang sayop matud pa nga paggamit sa ₱612.5 million nga confidential funds ug ang gika-ingong mga hulga nga gihimo niini batuk kang Pangulong Ferdinand Marcos Jr. ug sa iyang pamilya.
Gi-endorso kini nila House Deputy Speaker Paolo Ortega ug House human rights panel chair Bienvenido Abante ug tungod niini, duna na’y upat ka mga pending nga impeachment complaints sa House of Representatives, kansa nagpa-init pa sa mga hagit sa pulitika nga gi-atubang ni VP Sara alang sa iyang 2028 presidential bid.
