BUTUAN CITY – Gilauman na ni Los Angeles County Sheriff Robert Luna nga motaas pa ang ihap sa mga namatay tungod sa wildfire.
Sa karun miabot na sa 26 ang namatay diin daghan pa gihapon sa ilang listahan ang wala pa nakita human ang kapin usa ka semana nga wildfire.
Anaa na sa ikatulo ka adlaw ang mga otoridad sa pagsulod sa mga kabalayang naugdaw aron lantawon kung dunay bay mga patay’ng lawas. Nangayu usag ang opisyal og pagsabot sa mga residente nga mag-antos una nga diili mobalik sa lugar tungod sa kabalaka sa kusog nga paghangin.
Mikuhnhod na usab ang ihap sa mga anaa sa evacuation order nga gikan sa kapin sien mil, anaa na kini karun sa 92-mil. Sa karun, anaa na sa critical stage ang mga Firefighters diin bisan paman sa kalambuan nga gitaho, posibleng mobalik ang halapad nga kalayu tungod sa kusog nga hangin ning semanaha, base sa pahimango sa National Weather Service.
Sa mga tunghaan, duna ny 9 sa Los Angeles Unified School District ang mag-abli karung adlawa samtang ang sa Pasadena Unified School District magpabiling sirado sa tibook semana.
Ang La Cañada Unified Schools sirado hangtud karun nga adlaw og ang Malibu schools sirado hangtud ugma.
