BUTUAN CITY – Natala sa Philippine Statistics Authority (PSA) ang pagkunhod sa ihap sa mga kabataang mangingisda sa Pilipinas. Sumala sa 2022 Census of Agriculture and Fisheries sa PSA, sukad niadtong 2022 mikunhod sa 1.03 gikan sa 1.05 ang ihap sa mga nagpabiling mananagat niadtong 2012.
Inanay nga milihis ang dalan sa mga kabataang nangeta og alternatibong panginabuhian nga naghatag og kabag-ohan sa demographic profile sa sektor. Lakip sa mga gitumbok nga hinungdan sa kabag-ohan, mao ang pagpili sa mga kabataang Pilipino nga magtungha o ang mas taas nga kita sama sa pagsulod sa mga retail, manufacturing, ug services.
Samtang kulang na usab ang kasinatian sa mga kabataan karun sa pagpangisda diin sa rehiyon sa Zamboanga Peninsula ug Caraga dunay pagtaas sa datos sa nag-edad 50 pataas apan nagkagamay ang misunod nga mga batan-on. Kini makaapekto sa produksyon sa isda ug pangnabuhian sa mga komunidad nga nag-asa lang sa pagpangisda.
