BUTUAN CITY – Gipadayag ni Atty. Kristina Conti nga adunay igong ebidensya ang International Criminal Court (ICC) batok kang kanhi Presidente Rodrigo Duterte. Kini human nagsumite na ang ICC prosecutor og 5,051 ka mga dokumento nga ebidensya nga gi-disclose sa depensa, gawas pa sa daghan pa nga anaa sa repository.
Gipasabot ni Conti nga ang pag-usab sa witness appeal kabahin sa nagpadayon nga imbestigasyon tungod kay wala pa mahuman ang investigation phase.
Dugang pa niya, tumong sa panawagan nga masiguro ang komprehensibo nga pagtigum sa testimonya, labi na gikan sa mga kanhing opisyal sa PNP, PDEA, NBI, barangay ug gobyerno.
Gipamugos pa niini nga ang kampo ni Duterte maoy hinungdan sa pagka-langan sa trial tungod sa mga legal nga lakang nga nakapalangay sa proseso ug mas maayo matud pa nga kompleto ug masusi ang ebidensya aron masiguro nga ang tanan nga nalambigit, igo nga manubag.
