BUTUAN CITY -Gitakda na sa Appeals Chamber sa International Criminal Court sa Abril 22 sa alas-onse sa buntag kon alas-singko sa hapon sa susamang petsa ang pagpagawas sa ilang hukom kalabot sa apela sa defense team kon sa kampo ni kanhi Pangulong Rodrigo Duterte batuk sa desisyon sa Pre-Trial Chamber I niadtong Oktubre 23, 2025 kalabot sa gihagit nga hurisdiksyon sa korte sa kaso sa prosecutor batuk sa kanhi pangulo.
Ipagawas sa chamber ang hukom pinaagi sa sa open court kansa live nga masundan sa ilang website. Madumdumang niadtong Oktubre 23, 2025, gibasura sa Pre-Trial Chamber I ang hagit sa depensa ngadto sa hurisdiksyon sa korte sa maong kaso.
Pagka-Oktubre 28 sa susamang tuig, nagsubmite ang panig sa depensa sa ilang Notice of Appeal batuk sa desisyon dayong submite sa ilang appeal brief sa hurisdiksyon niadtong Nobyembre 14 2025.
Ang Appeals Chamber niini nga apela gilangkuban nila Presiding Judge Luz del Carmen Ibáñez Carranza, Judge Tomoko Akane, Judge Solomy Balungi Bossa, Judge Gocha Lordkipanidze ug Judge Erdenebalsuren Damdin.
