BUTUAN CITY- Giklaro ni International Criminal Court kon ICC assistant to counsel Kristina Conti nga dili awtomatikong masikop ang mga gipanganlan nga daw kakunsabo ni kanhi Pangulong Rodrigo Duterte sa kasong crimes against humanity sa International Criminal Court. Sigon ni Conti nga anaa sa prosecutorial discretion sa ICC Prosecutor kung si kinsa ang pangayo-an og arrest warrant.
Matud pa, bisan paman sakop sa ICC ang tanang nalamabigit, kasagari nga gi-fukosan sa prosekusyon ang “most responsible” o ang adunay pinakataas nga papel ug gahom nga pugngan ang krimen.
Lakip sa mga gipanganlan mao sila si Senador Ronald dela Rosa ug Senador Bong Go; kanhi Justice secretary Vitaliano Aguirre II; mga kanhi hepe sa Philippine National Police nga sila Vicente Danao, Camilo Cascolan, ug Oscar Albayalde; kanhi lider sa National Bureau of Investigation nga si Dante Gierran; ug kanhi hepe sa Philippine Drug Enforcement Agency nga si Isidro Lapeña.
Samtang, gilimod usab sa kampo ni Duterte ang mga alegasyon ug gihulagway ang listahang gipagawas sa ICC isip “completely untrue.”
