BUTUAN CITY – Maisugong gibulgar sa abogado sa 18 ka marines nga mipatim-aw sa publiko, ang gihimo sa gobyerno sa Pilipinas og International Criminal Court kon ICC Investigators dinhe sa nasud sa Pilipinas.
Sumala pa ni Atty. Levi Baligod nga base sa affidavit sa mga marines nga nagsugod ang trabaho sa nasangpit nga mga sundalo gikan sa Philippine Marines sa dihang nagsugod ang imbestigasyon sa mga imbestigador sa ICC dinhe sa Pilipinas batuk kang Kanhe Pangulong Rodrigo Duterte.
Sumala pa niini nga Disyembre niadtong 2023 sa dihang miabot sa Pilipinas ang mga langyaw nga imbestigador diin gisugo sila ni Zaldy Co nga magbaylo og kwartang peso ngadto sa dolyar diin 2 ka maleta nga dunay sulod nga kwarta ang gibayloan og dolyares nga miabot sa 2 milyones dolyares.
Gipangandaman matud pa nila ang pag-abot sa mga langyaw diin ang tanang gastu sa mga niini, gitubag nila Zaldy Co og Sonny Trillanes.
Gibutyag usab sa mga niini, ang gi-imbestigahan lang mga witnessess mao ang gipadala ni Trillanes og wala nay lain pang gi-interview ang mga niini.
Kini ang rason nga nabalaka si Atty. Baligod ilabina kay wala naghimo og saktong imbestigasyon ang ICC Investigators, gimaniubra usab niini ang hurisdiksiyon sa ICC sa Pilipinas tungod kay dugay nang dili miyembro ang nasud.
Tungod niini,gibutyag ni Atty. Baligod nga magsubmite sila sa ilang affidavit ngadto sa Office of the Ombudsman aron masuta kung nag-andar paba ang Office of the Ombudsman.
Magsubmite usab kini sa ICC aron mapahibalo kung unsay gibuhat sa ilang mga imbestigador dinhe sa Pilipinas.
Isubmite usab nila kini sa embahada sa mga nasud nga miyembro sa ICC aron masayran usab nila kung unday gibuhat dinhe sa Pilipinas.
Gi-angkon usab ni Atty. Baligod, abogado sa 18 ka marines, nga dunay grupo nga nangeta sa mipatim-aw nga mga sundalo. Ang nasayran matud pa sa abogado nga gipangunahan ang maong sa usa ka Alyas MC diin nagsugo usab kini sa pipila ka taas nga opisyal sa gobyerno aron ipatuman ang ilang gusto nga dili mogawas ang marines sa kamatooran.
Tungod niini, hangyu sa abogado ngadto sa Armed Forces of the Philippines kon AFP lakip na sa Philippine Marines nga dili sila pag-ngan nga mobulgar sa kamatooran tungod kay tuyo lang matud pa sa mga niini dili ang pagdugang problema sa nasud kundi ang pagtampo alang sa pagpa-angat sa maayong imahe sa nasud Pilipinas.
Ang kalaban matud pa mao ang anaa sa tag-as nga posisyon sa gobyerno
