BUTUAN CITY – Gi-endorso na sa Regional Task Force for COVID-19 One Caraga Shield ngadto sa Inter-Agency Task Force for the Management of the Emerging Infectious Diseases kon IATF-EID ang resolusyong naghangyo nga ipa-ilalom sa General Community Quarantine kon GCQ ang entiro Caraga Region.
Nakalatid usab sa Resolution No. 41-2020 ang moratorium sa mga sweeper flights, mercy voyages ug tanang klase sa transportasyon alang sa mga returning overseas Filipinos kon ROFs ug mga local stranded individuals kon LSIs.
Sa eksklusibong pakighinabi sa Bombo Radyo Butuan, gibutyag ni Regional Task Force for COVID-19 One Caraga Shield chairman Dale Corvera, nga taliwa sa low-risk classification sa AITF sa rehiyon, padayon ang pagsaka sa COVID-19 cases tungod sa pagpanguli na sa mga ROFs ug mga LSIs nga karon milapas na sa 6-mil ug padayon pang musaka tungod sa mu-uliay pang uban.
GIpasabot sa gobernador usab sa Agusan del Norte nga tinguha lamangnila nga mapa-abot ngadto sa IATF ang hangyo sa rehiyon ilabina ang position paper sa Butuan City government nga naghangyo sa IATF nga i-manage og sakto ang pagpa-uli sa mga ROFs ug mga LSIs uman nasayrang duna’y mga nakasakay pa-uli ning rehiyon nga wala sa listahan rason nga wala usab sila mapa-ilalom sa istriktong medical procedure nga mao unta’y angayang tamdang rekisitos.
Gipasabot sa opisyal nga ang ilang gilantaw dili lang ang mga stranded Carganons kondili apil na pod ang daw mabalewala nalang nga duha ka buwang pag-lockdown sa rehiyon aron lang masigurong luwas kini gikan sa makamatay nga coronavirus.
Kini ilabina nga daghan pa sa mga local government units ang kulang pa kaayo sa gikinahanglan nilang testing kits samtang nag-anam na usab ka-ukupado ang gi-andam nilang quarantine facility.
Gipasabot pa ni Governor Corvera nga ang maong hangyo wala magpasabot nga misupak sila sa kamanduan ni Pangulong Rodrigo Duterte o kaha sa patakaran sa IATF kondili siguraduhon lan nga mia-gi sa saktong proseso ang mga mu-uliay pa.
Angayan matud pang sabton nga ang mga wala nakagawas sa rehiyon, mibati na og kahadlok tungod sa natalang COVID-19 positives nga gikan sa gawas sa Caraga Region.
