BUTUAN CITY – Nakasakmit na og duha ka mga medalyang bulawan, tulo ka silver ug upat ka bronze medals ang Caraga Region sa nagpadayong Palarong Pambansa 2025 sa Ilocos Norte rason nga anaa na sa ikapitong pwesto ang rehiyon sa latest medal tally as og alas-nueve kagabii.
Ang mga atletang sila si Queen Fairy Rose Rante, nga magtutungha sa Ampayon Central Elementary School, nakakuha og Gold Medal sa Arnis Anyo Competition – Elementary Girls, Individual Likhang Anyo Double Weapon category, sa iskor nga duha ka 9.9 ingon man tulo ka 9.8 gikan sa lima ka mga judges sa maong dula.
Samtang nakuha usab ni Airielle Ashley Lape ang ikaduhang bulawan sa rehiyon pinaagi sa Individual Likha Espada y Daga category. Sama ni Rante, gikan gihapon si Lape sa Ampayon Central Elementary School ug girepresenta usab niini ang Caraga alang sa Elementary, girls category.
Ang mga nakasakmit sa tulo ka mga silver medals mao sila Mary Mae Magbanua alang sa 3,000-meters dash Secondary Girls, Shanee Miep Guillarte alang sa Discus Throw Elementary Girls level, ug Zachary Lawig alang sa Discus Throw Secondary Boys.
Ang upat ka mga bronze medal ning rehiyon nakuha pinaagi sa Chess, Long Jump, ingon man sa Individual Likha Anyo Single Weapon
