BUTUAN CITY – Gikondena sa tibook tribo sa lungsod sa San Miguel, Surigao Del Sur ang pagpatay sa laing Datu na usab sa niaging hapon didto sa bukirang parte sa Pandapoon, sakop sa brgy. Bolhoon.
Giila ni Datu Rico Maca, Indigenous People Mandatory Representative kon IPMR sa San Miguel, ang biktima nga si DATU REXAN BRITAL, menyu og dunay mga anak. Saysay pa ni Datu Maca nga nanguha lang ug uway ang biktima sa bukirang parte apan gipatay kini sa gibana-banang lima ngadto sa unom ka armadong lalaki nga gitoohan niining rebelding NPA.
Sa nakuha niining impormasyon, daghang pinusilan sa lawas nga na-angkon sa biktima og giluba pa kini ug sundang.
Sumala pa niini nga kanhe miyembro sa NPA ang biktima og misuporta kini sa TRIFPSS apan sa dihang nasuta nga naglisud sa pagpadayon sa pagtungha ang ilang kabataan tungod kay walay rekord sa DepEd, naninguha kini nga makatukod ug eskwelahan, ang Nalindog School of Living Tradition nga gikasuko sa NPA.
Kini ang nakitang rason sa pagpatay sa armado ngadto sa biktima.
Tungod niini, nanawagan si Datu Maca nga mahatagan ug hustisya ang nahitabong pagpanglutos sa rebelde sa mga lideres sa tribu nga wala na nagpailalom sa ilang kalihukan.
