BUTUAN CITY – Gipadalhan og subpoena sa House Committee on Justice si National Bureau of Investigation (NBI) Director Atty. Melvin Matibag may kalabutan sa imbestigasyon sa matudpa hulga ni Vice President Sara Duterte batuk nila Pangulong Ferdinand R. Marcos Jr., First Lady Liza Araneta-Marcos, ug kanhe House Speaker Martin Romualdez.
Base sa mandu sa komite, gipangayu nila ang certified copies sa records, dokumento, ug mga hulagway nga nakuha sa NBI mahitungod sa nasangpit nga imbestigasyon.
Tumong sa Justice Committee nga matumbok ang resulta ug ebidensiya sa gihimong pagsusi sa NBI aron masusi kung dunay igong basehan ang mga alegasyon.
Ang maong lakang kabahin sa nagpadayon nga impeachment proceedings batuk sa ikaduhang Pangulo diin gitumbok sa Kamara kung dunay igong basehan aron dalhon ang kaso sa plenaryo ug ipasaka sa Senado para sa mas taas nga deliberasyon.
Kagahapon wala gitugutan sa Korte Suprema ang hangyu nga TRO sa kampo ni Vp Duterte mahitungod sa impeachment proceedings sa Kamara.
Nagpasabot kini nga walay babag aron ipadayon ang pagdungog sa sunod semana.
