-- ADVERTISEMENT --
BUTUAN CITY – Malampusong natapos sa mga sakop sa Surigao City Police Station ang natigayong hostage-taking sulod sa usa ka de-pasaherong bus ning hapuna lang sa Brgy. Lipata, Surigao City.
Kini human na-igo sa bala ang dughan sa wala pa ma-ilang suspek nga migamit og ice pick sa iyang pag-hostage sa usa ka 12-anyos nga batang lalaking sulod sa bus nga gipanag-iyahan sa Surigao Transport Cooperative.
Daling gihimo ang negosasyon sa pagpanguna sa bag-o pa lamang milingkod nga city police director PLCol. Christian Rafols ug tungod sa pagmagahi sa suspek, gipusil na kini resulta sa iyang kamatayon.
Ipa-ilalom sa psycho-social service ang biktima aron mawala ang trauma nga iyang gibati..
