BUTUAN CITY – Gikabalak-ang mo kabat pa og 10 ka mga adlaw ang pagsuhid sa daot nga kable sa kurente sa Siargao, Surigao del Norte arun hingpit nang mabalik sa normal ang kurente sa maong dapit pinaagi sa pagpaningkamot sa Siargao Electric Cooperative kon SIARELCO.
Subay sa bana-bana ni Surigao del Norte Governor Lyndon Barbers nga hangtud sa dili pa makita sa mga taga SIARELCO ang fault line sa nasangpit nga submarine cable, kansa maoy rason sa lapad nga power outage sa Siargao, mo kabat pa sa napulo ka mga adlaw nga hinaw-asay sa maong kable ang himoon sa mga expert divers ug mga engineers ilabi na nga pakyas nilang makita ang daot nga linya taliwala pa man nga hingpit nang nahaw-as ang ika-1.9km nga kable nga gisuspetsahang nadaot ilalum sa dagat ning nakalabayng adlaw.
Sumala sa Gobernador, duna pay 20 ka kilometros nga underwater cables ang kinahanglang suhiron sa SIARELCO. Subay sa mga naunang updates ni Kongresman Bingo Matugas ning nakalabayang adlaw, makita nga wala deretso na putol ang gisuspitsahang daot submarine cable, kundili na lambod lamang kini.
Sa inisyal nga datus sa mga ikipong dala sa mga taga SIARELCO, usa lamang matud pa sa tulo ka mga wire nga sulod sa maong submarine cable ang naputol.
Alayon niini, tungod kay wala pa man masakpi sa mga taga SIARELCO ang hinungdan sa maong power outage, gianunsyo gilayon pagka-sabado sa hapon nga dili pa makabalik ang kurente sa nasangpit nga Isla ning mga gutloa. Alayon niini, giawhag usab ni Governong Barbers ang mga Surigaonon nga mag tinabangay karong panahon sa kapit-os sa ilang lugar.
