BUTUAN CITY – Laing dakong kalampusan ang naangkon sa Bombo Radyo Philippines human kini mapili nga finalist sa tanang siyam (9) ka kategoriya sa ika-47 nga Catholic Mass Media Awards (CMMA) karong tuiga—usa sa mga labing iladong pasidungog nga nag-ila sa talagsaong kontribusyon sa larangan sa komunikasyon nga giya sa Kristohanong mga prinsipyo.
- Best News Program – Bombo Network News, Bombo Radyo Cebu
- Best Commentary Program – Bombo Radyo Cebu
- Best Public Service Program – Bombo Lifestyle (Bombo Radyo Philippines)
- Best Counseling Program – Star FM Manila
- Best Business News – Bombo Special Report (Bombo Radyo Philippines)
- Best Entertainment Program – Star FM Iloilo, Star FM Bacolod
- Best Educational Program – Bombo Special Report (Bombo Radyo Philippines), Bombo Radyo Cauayan
- Best News Feature – Bombo Radyo Iloilo, Bombo Radyo Dagupan, Star FM Dagupan
- Best Drama Program – Bombo Radyo Cauayan
Karong tuiga, ang Bombo Radyo ug Star FM nagpasigarbo sa ilang talento sa daghang kategoriya—pamatuod sa gilapdon ug giladmon sa ilang serbisyo publiko.
Ang CMMA, nga gitukod ni Jaime Cardinal Sin niadtong 1978, nagtumong sa pag-ila sa mga institusyon ug tigpahat sa balita nga naggamit sa komunikasyon aron isulong ang kamatuoran, dignidad sa tawo, ug katungdanang panlipunan subay sa pagtulon-an sa Simbahan.
Para sa Bombo Radyo Philippines, kining pasidungog among gihalad sa among mga tigpaminaw ug tiglantaw sa tibuok nasud ug sa kalibutan, nga padayon nga nagsalig ug nagsuporta sa 32 ka fully digitalized nga estasyon sa network.
Pinaagi niini, padayon namong gihatod ang balita, serbisyo publiko, ug mga programa nga naghatag kaalam ug paglaum sa mga komunidad.
Basta Radyo, BOMBO!
