BUTUAN CITY- Sugdan na sa House Committee on Justice ang hearing sa upat ka verified impeachment complaints batok kang Vice President Sara Duterte ugmang adlawa Lunes, Marso 2, 2026.
Sumala ni Batangas Rep. Gerville “Jinky Bitrics” Luistro, chair sa komite, nga ang hearing ipahigayon sa Marso 2 hangtod 4 kung asa nakafukos kini sa pagtuki kung adunay igong form ug substance ang mga reklamo.
Giklaro usab ni Luistro nga gamiton sa komite ang susamang proseso ug sukdanang gigamit sa unang mga reklamo batok kang President Ferdinand Marcos Jr. nga na-dismiss niadtong mi-aging tuig.
Ang mga nag-unang basehan sa impeachment mao ang alegasyong sayop nga paggamit sa P612.5 milyong confidential funds sa OVP ug DepEd, ingon man ang pagsupak sa Konstitusyon sama sa graft, panuhol, ug ang unexplained wealth.
Lakip usab sa mga reklamo ang betrayal of public trust tungod sa wala pag-ila sa oversight sa Kongreso ug ang mga hulga matud pa batok sa kinabuhi sa Presidente, First Lady ug kanhi Speaker. Matud pa ni Luistro, nga hatagan og higayon ang Bise Presidente nga motubag sa mga akusasyon isip parte sa iyang katungod sa due process.
