BUTUAN CITY – Gamitong ebidensya ni kanhi Presidential spokesman Atty. Harry Roque ang gihimong pagdungog sa House committees on Public Order and Safety, Public Information, and Information and Communications Technology kon mas nailang House TriComm sa iyang asylum bid sa The Netherlands.
Gipadayag kini ni Roque human ang pagdungog sa komite kalabot sa mga nagpakaylap og fake news online kagahapon.
Nasayrang atol sa pagdujngog, gipadayag resource person ug vlogger nga si Pebbels Cunanan nga si Roque matud pa ang utok sa pagpakaylap sa kontrobersyal nga pulvoronic video nga nagpakita sa gika-ingong pagsuyop ni Pangulong Ferdinand ‘Bongbong’ Marcos Jr. kansa daan nang gipanghimakak sa Malakanyang sa rasong usa kini ka deepfake video.
Gani, gipasalamatan pa ni Roque ang TriComm ug si Cunanan tungod kay duna na siya’y magamit nga ebidensya aron ma-facilitate ang iyang asylum application tungod sa pagdukot kaniya og maayo.
