Hangtud 20-bilyones pesos nga kantidad sa shabu, nakumpiska human nasangad ang gikargahang speedboat

BUTUAN CITY – Sinako nga shabu ang nakumpiska human nasangad ang speedboat didtong dapita sa Occidental Mindoro.

Sumala sa mga otoridad nga 43 ka sako ang gituohang shabu nga gibana-bana motimbang og duha ka tonelada nga mikantidad og 16-bilyones pesos hangtod sa 20 bilyones pesos sa baybayon sa Brgy. Harrison, Paluan, Occidental Mindoro.

Base sa report, gihimo ang operasyon human adunay concerned citizen nga mitaho sa usa ka speedboat nga nasangad niadtong Marso 10.

Sa karun Padayon ang imbestigasyon sa mga awtoridad aron mahibaw-an ang gigikanan sa maong gituohang ilegal nga droga.