BUTUAN CITY – Mi-abot sa P476,000.00 nga kantidad sa 70-gramos nga suspected shabu ang nakumpiska atol sa gilusad nga anti-illegal drug raid ngadto sa usa ka high value individual kaganinang alas-4:50 sa sayong buntag sa Purok 1, Ubod-ubod, Brgy. Baan Km. 3 ning siyudad sa Butuan.
Kini human nakuha gikan sa posisyon ni Julius Helardis Dumanon, 40-anyos, ulitawo, residente sa Brgy. Libertad ning siyudad ug caretaker sa usa ka farm sa dapit diin siya gisikop.
Apil sa nakuha ang 21 ka selyadong sealed transparent plastic sachet sa suspected shabu, duha ka cellular phones, usa ka kahon nga duna’y sulod nga usa ka unit digital weighing scale, nagkada-iyang drug paraphernalia, usa ka sling bag ug salaping cash nga mu-abot sa 2-mil pisos.
Ang tanang nakumpiskang mga butang, gikostudiya na sa City Drug Enforcement Unit sa Butuan City Police Office alang sa tukmang disposasyon.
