BUTUAN CITY – Hangtud sa pagkutlo ning balita kaganinang buntag, miabot sa katibuk-ang 868 ka pamilya o 1,913 ka indibidwal gikan sa Municipalidad sa Sta Josefa og Veruela parehong sakop sa Agusan del Sur ang mibakwit sa nagkalain-laing evacuation centers tungod sa pagbaha nga hatud sa daot nga panahon.

 Nasayrang ang Tail End of a Cold front ang naka-apektu karun sa Mindanao hinungdan sa kusog nga pagulan sa rehiyon sa Caraga. Samtang angv Veruela-Laak National Highway sa Brgy Sisimon, Veruela dili pa ma-agian sa mga gagmay og dagkong sakyanan human sa natigayong pagdahili sa yuta nga mitabon sa highway.

 Sigon ni Armando Gomez sa Provincial disaster Risk Reduction and Management Office kon PDRRMO sa Agusan Del sur, miadtu na ang isa ka team gikan sa Search and Rescue Agusan del Sur kon SARAS sa Veruela aron motabang sa MDRRMO Veruela.