BUTUAN CITY- Nagpadayon ang kagubot sa Persian Gulf human sa bag-ong hugna sa drone ug missile strikes nga gihimo kaganihang buntag.
Sumala sa Kuwait Army, usa ka “wave of hostile drones” ang mitarget sa fuel storage sa Kuwait International Airport ug nakadaot sa pipila ka civilian infrastructure, samtang ang Public Institution for Social Security building nga 22-story gi-igo sa drone strike ug nasunog apan walay na-report nga samaran, apan duha ka border security personnel ang namatay samtang nagbantay sa nasud.
Sa Saudi Arabia, gi-intercept sa Ministry of Defense ang 21 ka drones, samtang sa Bahrain sigon sa Interior Ministry nga ang sunog sa Mina Salman seaport resulta sa “Iranian aggression.”
Sa UAE, nagpadayon ang air defenses sa pagtubag sa missile threat. Ang mga atake misunod human nangayo og pasaylo si Iranian President Masoud Pezeshkian sa mga
Gulf nations ug misulti nga dili sila mo-atake sa silingan gawas kon una silang sulayan o kon makig-alayon kini sa Amerika sa pag-atake batok sa Iran.
