BUTUAN CITY – Gi-anunsiyo sa Houthi sa Yemen nga mihimo kini og ikaduhang military operation nga target ang southern Israel.
Sigon ni Houthi military spokesman Yahya Saree nga gipalupad sa grupo ang cruise missiles og drones sa mahinungdanong target.”
Dungan matud pa nga gihimo ang maong operation sa mga military operations sa Iran og Hezbollah, diin kini nahimong malampuson.
Gipaneguro ni Saree nga magpadayon ang Houthi operations sa musunod nga mga adlaw hangtud nga matapos ang kagubot.
Adiser pa niini, gi-anunsiyo sa grupo ang ilang unang military operation batuk sa southern Israel sukad nagsugod ang pag-atake sa US og Israeli ngadto sa Iran.
Sumala sa Houthi nga gitira nila ang ballistic missile sa “sensitibong military sites” sa southern Israel.
Base sa taho gikan sa Israeli, nadungog niini ang mga air raid sirens sa Dimona, Beersheba og Eilat human na-detect ang missile nga nagmarka sa unang atake sa Yemen sukad nagsugod ang giyera.
Milapad na ang kagubot sukad gisugdan niadtong Pebrero 28 nga mipatay na og kapin 1,340 katawo lakip na ang Supreme Leader sa Iran nga si Ayatollah Ali Khamenei.
Mibalos usab ang Iran gamit ang drone og missile strikes target ang Israel, Jordan, Iraq og Gulf countries nga dunay US military assets nga miresulta sa mga casualties og damyos sa imprastraktura samtang nabalda ang merkado sa kalibutan lakip na ang paluparan.
