BUTUAN CITY – Dili lang diay mga iring o iro ang makahimo og mga world record human napamatud-an sa usa ka 13 anyos nga batang babaye sa San Francisco, USA, ang iyang abilida sa pagbansay sa iyang binuhi nga guinea pig kansa nakalukso sa usa ka world record height.
Gi-ila sa Guinness World Records si Zoe Hearn ug ang iyang binuhing guinea pig nga si Cora human siya milukso og 10.5 ka pulgada (26.67 cm).
Gilupig niini ang miaging rekord nga 24 cm gikan sa Spain niadtong 2023.
Sumala ni Zoe, ang pagbansay nagsugod sa dihang gihagit siya sa usa ka higala nga tan-awon kon makalukso ba ang iyang binuhing guinea pig.
Gamit ang usa ka buok sa letsugas ug blueberries isip ganti, hinay-hinay nga gi-isa ni Zoe ang hinimo sa balay nga kahoy nga bar hangtod nga nakab-ot ni Cora ang hingpit nga paglukso.
Gawas sa pagka-atletiko, si Cora, mahilig usab matud pa kini sa musika, labi na kung ang iyang tag-iya magpraktis sa biyolin.
