BUTUAN CIT Y – Padayon pa ang imbestigasyon sa kapulisan sa lungsod sa Libjo sa Dinagat Island province aron maila og mapanubag sa iyang gihimo ang lalaking mipusil-patay sa isa ka ginang kaganinang buntag human mitambong sa graduation sa iyang anak.
Base sa inisyal nga imbestigasyon, pasakay na unta sa lantsa ang 44-anyos nga biktimang si Analyn Lapinig, residente sa Brgy. Plaridel, lungsod sa Libjo, ka-uban ang iyang OFW nga bana, iyang inahan ug ang bag-ong mi-graduate sa kursong nursing niyang anak.
Dali pang gidala sa Surigao Medical Center ang biktima apan wala na kini maluwas pa human nga natamndan kini og duha ka bala sa kalibre 45 nga pistola diha sa iyang tiyan.
Na-recover ang duha ka basiyo sa bala sa .45 nga pistola human sa hitabo kondiin ang suspek nga nagpurong ug itom, daling nakasibat human sa pagpamusil. (B eth Ruiz)
