-- ADVERTISEMENT --
BUTUAN CITY – Daghang leksyon ang dalhon sa Gilas Pilipinas alang sa window sa FIBA World Cup Asian Qualifiers human ang ilang sunod-sunod nga kapildihan sa New Zealand ug Australia sa mga dula nga gipahigayon dinhi sa Pilipinas.
Sigon ni Gilas head coach Tim Cone, sakit kaayo ang ilang kapildihan tungod kay sa mismong homecourt pa sila gipildi sa mga visiting teams.
Kini ang himuon nilang yawe aron muhimo og mga kabag-uhan alang sa ilang duwa karong Hulyo kansa dakong hagit alang kanila tungod kay sa kurto sa New Zealand ug Australia kini himuon.
Gitun-an na niya karon og maayo ang ilang himuong lakang aron makabaton og mas lig-ong mga magdudula nga pang-agbat sa kusog nga mga langyaw’ng koponan.
