BUTUAN CITY – Gitu-uhan ni Police Lieutenant Colonel (PLCol) Mariano Lukban, hepe sa Surigao City Police Station nga duna’y nahimamat sulod sa prisuhan ang tulo ka mga high value individuals nga nakuhaan og balor 3.5-milyunes pisos nga kumpirmadong shabu atol sa joint anti-drug operation sa Purok 1, Barangay Canlanipa, sa maong siyudad.
Kini tungod sa pagbalik nila sa maong modus taliwa nga ang ilang pagkabilanggo, mugna sa susamang kalapasan nga ilang unang nahimo.
Una nang gi-ila sa opisyal ang mga nadakpan nga sila Benjie Camillotes Salibay, 47-anyos, residente sa Brgy Canlanipa ug lumad nga taga-Barangay Ipil; Rodney Nellas Bilagantol, 35-anyos, wala’y trabaho ug residente sa Purok Convention, Capitol Road, Barangay Washington ug Edward Cayumo Degamon, alias Kabaw, 37-anyos, tricycle driver, residente sa Barangay Luna, parehong sakop sa Surigao City.
Sa eksklusibong pakighinabi ning sibyahan, gibutyag sa opisyal nga halos usa ka buwan na nilang gipanid-an ang mga responsable ilabina ang main subject nga si Salibay tungod sa ka-idlas niini.
Posible matud pa nga samtang anaa pa sulod sa prisuhan, duna na’y naka-ila ang mga responsable rason nga gisudlan gihapon nila ang maong operasyon.
