BUTUAN CITY – Si Gazini Christiana Ganados ang nahimong Miss Universe Philippines 2019.
Gikoronahan siya ni reigning Miss Universe 2018 Catriona Gray kaganina lang atol sa Binibining Pilipinas 2019 finals night nga gipahigayon sa Smart Araneta Coliseum.
Ang iyang impresibong tubag sa pangutana ni Judge Bobby Barrero kung unsa ang iyang buhaton aron makakuha og daghang babaye diha sa workplace maoy usa sa nakapadaog kaniya.
Tungod niini, si Ganados ang murepresent sa Pilipinas sa 2019 Miss Universe pageant sa hinapos nga bahin ning tuiga.
Apil sa gikoronahan og mu-compete sa mga international pageants:
Bb Pilipinas International 2019: Bea Patricia Magtanong, Bataan
Bb Pilipinas Intercontinental 2019: Emma Mary Tiglao, Pampanga
Bb Pilipinas Globe 2019: Leren Mae Bautista, Laguna
Bb Pilipinas Grand International 2019: Samantha Ashley Lo, Cebu City
Bb Pilipinas Supranational 2019: Resham Ramirez Saeed, Maguindanao
Nahimong hosts sa prestihiyusong indigay sa ka-anyag sila Anne Curtis og Richard Gutierrez, uban ni Miss Grand International Philippines 2016 Nicole Cordoves.
