BUTUAN CITY – Gatusang mga tawo ang gikabalak-ang patay sa Mayotte, France human gikuso-kuso sa gamhanang bagyo ang French Indian Ocean territory.
Padayon ang pagsuhid sa mga rescue workers, apil na ang mga reinforcements gikan sa France, diha sa mga debris aron pagpangita sa mga posibleng survivors.
Nasayran nga napatag ang entiro settlements sa pagkuso-kuso sa cyclone Chido dala ang kusog nga huros sa hanging mu-abot sa 225-kilometros matag-oras rason nga apektado kaayo ang mga kabus nga nagpuyo ang sa mga makeshift shelters rasong gikabalak-ang daghan ang nangamatay.
Ang lapad sa damyos sa imprastraktura apil na niini ang naputol nga mga linya sa kuryente, ug dili maagi-ang kadalanan, dakong babag sa emergency operations.
Pipila sa 320,000 ka populasyon sa Mayotte padayong nakigbisog tungod sa kakulang na kaayo sa mga pagkaon, tubig ma-inom ug kapuy-an.
